Sut gallwch chi baratoi ar gyfer byd gwaith?
Beth yw’r sgiliau allweddol y bydd eu hangen arnoch i lwyddo?
Sut gall eich profiad DofE helpu?
Nid ffair yrfaoedd arferol arall ydy Ieuenctid Heb Gyfyngiadau YN FYW: Tu Hwnt i’r CV yn ddigwyddiadau cyffrous ac unigryw sydd â’r bwriad o gefnogi pobl ifanc, fel chi, wrth i chi ymchwilio a datblygu’r sgiliau sydd eu hangen wrth i chi bontio i gyflogaeth. Yn eu plith, mae:
- Gweithdai am lwybrau tuag at gyflogaeth, ymgeisio am swyddi, brandio personol a chyfathrebu
- Trafodaethau panel am ganfod eich ffordd trwy’r dyfodol gyda gweithwyr proffesiynol ifanc
- Prif siaradwyr gwadd o blith cyflogwyr ac arweinwyr busnes
- Cyfleoedd i ymgysylltu â chyflogwyr
Bydd y digwyddiadau’n eich helpu i siarad am eich cryfderau a’ch profiadau DofE pan fyddwch chi’n ymgeisio am waith. Cewch chi weld sut bydd eich profiadau DofE yn dal i’ch helpu chi yn y gweithle ymhell tu hwnt i’ch cais am swydd a’ch cyfweliad.
Maen nhw’n agored i rai sydd wrthi’n cyfranogi yng Ngwobrau DofE a rhai a enillodd Wobrau’n ddiweddar, maen nhw’n gwbl hygyrch ac yn rhad ac am ddim. Byddwn ni’n darparu cinio a lluniaeth drwy’r dydd yn ogystal â phopeth sydd ei angen i gael cymryd rhan lawn yn y digwyddiad a’r holl weithgareddau.
