A panel discussion taking place on stage, featuring three speakers. One woman is seated on the left, holding notes and speaking. The second woman, dressed in a patterned dress, is in the center, listening attentively. A man in a blue shirt is seated on the right. The audience is visible in the foreground, facing the speakers. The backdrop displays the text

Ieuenctid Heb Gyfyngiadau Yn Fyw: Caerdydd

Dydd Mercher 19 Chwefror 2025, 9:30am – 3:30pm
Stadiwm Dinas Caerdydd

Nid ffair yrfaoedd arferol arall ydy Ieuenctid Heb Gyfyngiadau YN FYW: Tu Hwnt i’r CV, dyma gyfle i gyfoethogi eich siwrnai DofE ac i sylweddoli nad oes cyfyngiadau ar yr hyn y gallwch ei gyflawni yn y gweithle.

Beth i’w ddisgwyl ar y dydd

Yn ystod y digwyddiad, byddwch chi’n clywed beth mae’r cyflogwyr mwyaf yn chwilio amdano pan fyddan nhw’n penodi pobl, yn cael eich ysbrydoli gan bobl ifanc sy’n torri eu cwys eu hunain yn eu gyrfaoedd, ac yn cwrdd â chyflogwyr a sefydliadau sy’n gweithio gyda phobl ifanc er mwyn cael gwybod am y gwahanol lwybrau gyrfa ar draws gwahanol ddiwydiannau sydd ar gael i chi.

Byddwch chi hefyd yn cael cymryd rhan mewn gweithdai rhyngweithiol i ystyried sut i sicrhau profiad gwaith, cynghorion ar gyfer paratoi am gyfweliad, mathau effeithiol o gyfathrebu, sut i adrodd eich stori bersonol a mwy!

Mae mynychu’r digwyddiad yn rhad ac am ddim. Bydd cinio a lluniaeth drwy’r dydd yn cael eu darparu, yn ogystal â deunyddiau sydd eu hangen er mwyn cyfranogi’n llawn yn y digwyddiad. Bydd angen i fynychwyr fod yn gyfrifol eu hunain am deithio i’r digwyddiad ac oddi yno.

Pwy sy’n gallu mynychu?

Mae’r digwyddiad yn gwbl hygyrch ac yn agored i rai sy’n cymryd rhan yn DofE ar hyn o bryd a’r rhai sydd wedi ennill Gwobr sydd rhwng 16-19 oed. Mae’r diwrnod wedi’i gynllunio â phobl ifanc mewn golwg a bydd yn darparu gwybodaeth a dealltwriaeth gwerthfawr, p’un ai ydych chi’n dal yn yr ysgol ac yn dechrau meddwl am eich opsiynau o ran gyrfa, mewn addysg bellach, neu wedi cychwyn ym myd gwaith eisoes.

Sut i ymrestru

Ar gyfer Sefydliadau Trwyddedig

Gwahoddir Sefydliadau Trwyddedig i gofrestru eu diddordeb mewn dod â grwpiau o bobl ifanc i’r digwyddiad. Rhaid i o leiaf un oedolyn o’r Sefydliad Trwyddedig fynychu gyda nhw.

Cofrestrwch eich diddordeb drwy ddefnyddio’r ffurflen isod a byddwn yn cysylltu â chi o fewn pythefnos i roi gwybod i chi a oes llefydd i chi yn y digwyddiad. Does dim angen i chi ddarparu enwau’r bobl ifanc fydd yn mynychu ar hyn o bryd, byddwn yn cysylltu â chi ym mis Ionawr gyda’r rhaglen lawn ar gyfer y dydd ac i ofyn am enwau, anghenion deietegol ac anghenion mynediad y rhai fydd yn mynychu.

Ieuenctid Heb Gyfyngiadau BYW: Cymru

Cofrestrwch eich diddordeb

Ydych chi’n cofrestru fel cyfranogwr DofE unigol neu fel grŵp o Sefydliad/Canolfan Drwyddedig DofE? *

Enw cyntaf *

Cyfenw *

Rhif eDofE *

Dyddiad geni *

Cyfeiriad e-bost *

Enw’r sefydliad/canolfan drwyddedig*

Enw Rheolwr neu Arweinydd DofE *

Number of participantNifer o leoedd cyfranogwyr y gwnaed cais amdanynt *

Number of adultNifer o leoedd oedolion y gwnaed cais amdanynt *

Cyfeiriad e-bost cyswllt *

Rhif ffôn cyswllt *

Rwy’n deall y bydd fy manylion cyswllt yn cael eu defnyddio er mwyn i’r DofE gysylltu â mi ynglŷn ag Ieuenctid Heb Gyfyngiadau BYW: Tu hwnt i’r CV

Eich Preifatrwydd

Gallwch ymddiried ynom i gadw eich gwybodaeth bersonol yn ddiogel. Ni fyddwn yn rhannu eich manylion personol â sefydliadau eraill at ddibenion marchnata. Am fwy o wybodaeth ynghylch pam rydym yn casglu eich data a sut rydym yn ei ddefnyddio, darllenwch ein Datganiad Preifatrwydd.

Gweithdai

Y Post Brenhinol– Am sicrhau swydd eich breuddwydion?

Ymunwch â gweithdy Paratoi ar gyfer Cyfweliad Llwyddiannus y Post Brenhinol a dysgwch sut i ragori yn eich cyfweliad nesaf! Byddwn ni’n eich arwain trwy Ddull STAR, yn dangos i chi sut i fynd i’r afael â chwestiynau anodd am ymddygiad, ac yn rhannu cynghorion arbenigwyr i’ch helpu chi i sefyll allan yng nghanol tyrfa. Hefyd, fe gewch chi adborth gwerthfawr i roi hwb i’ch hyder. Peidiwch â cholli’r cyfle—gosodwch sylfeini eich llwyddiant heddiw!”

Amey: Ydych chi’n Llew, Dolffin, Eliffant, neu Barot? Gweithdy Personoliaethau a Chyfathrebu

Mae’r hyfforddwr perfformiad Nigel Risner yn awgrymu y gellir rhannu pobl yn 4 gr?p ar sail eu harddull cyfathrebu dewisol – Llewod, Parotiaid, Dolffiniaid ac Eliffantod.

Gofynnir i’r rhai sy’n cymryd rhan gwblhau cwis byr er mwyn iddynt gael gwybod pa anifail ydyn nhw, a darganfod nodweddion pennaf eu personoliaeth a’u cyfathrebu. Gyda’r wybodaeth newydd honno, gallant ddechrau cyfathrebu’n fwy effeithiol. Bydd y gweithdy hefyd yn cynnwys gweithgaredd byr i ddangos arddulliau cyfathrebu pob un o’r 4 anifail/math o bersonoliaeth.

Loud Speaker – Adrodd Straeon Personol

Mae ymchwil wedi dangos bod pobl ifanc yn teimlo’n fwyfwy pryderus yngl?n â chanfod cyfleoedd yn y byd ôl-COVID sydd ohoni. Rydym yn arfogi pobl ifanc â’r hunan-gred sydd ei hangen i gynnal eu hunain wrth osod dyheadau gyrfaol, a gosod nodau yn eu bywydau personol. Rydym yn credu hefyd mai’r arf fwyaf pwerus sydd gan bob un ohonom wrth ganfod ein ffordd yn y byd ydy ein stori bersonol – felly rydym yn rhoi fframwaith i bobl ifanc gael gwybod a deall eu straeon eu hunain, a’r sgiliau sydd eu hangen er mwyn bloeddio am hynny gerbron y byd.

British Airways – Sicrhau Profiad Gwaith (Caerdydd)

Ymunwch â’n sesiwn i gael deall sut gallwch chi sicrhau profiad gwaith mewn cwmnïau amrywiol!

Erbyn diwedd y sesiwn, byddwch chi’n deall y gwahanol fathau o brofiad gwaith, pa elfennau mewn profiad gwaith sy’n bwysig ar gyfer eich dyheadau personol o ran gyrfa, a byddwch chi’n gosod cynllun gweithredu realistig o gamau nesaf y gallwch eu cymryd er mwyn ymchwilio a sicrhau profiad gwaith.

Y peth gorau mae fy mhlant i wedi’i wneud yn yr ysgol uwchradd – cawson nhw gymaint o fudd o’r peth mewn cymaint o wahanol ffyrdd

Cyfarfodwr

Leuenctid Heb Gyfyngiadau YN FYW: Llundain

Dyna oedd y gynhadledd cyflogadwyedd orau i mi fod ynddi

Athro